💛 ألّوءه 💛.
صج والله انتي نعمه ومو أي نعمة .... أنتي نعمة كبيييييرة ، وياحظ اللي يعرفج ويلتقي فيج
شكراً لوجودج في حياتي وشكراً لأنج تكونين انتي معاي وأنا اصير آنا معاج (عاد فججيها)
شكراً لروحج الطيبة تخلين الإنسان يقعد معاج بأريحية وعفوية مرتاح مطمئن،،
شكراً لأنج تختاريني وتثقين فيني تشاركيني بعض لحظات يومج البسيطة وتتذكريني إذا بتتحلطمين وتبشريني بأخبارج الحلوه وتفرحيني معاج.
شكراً لاستماعج الحنون والفعّال ولمشاعرج الطيبة لمن أنا أسولف معاج عن بعض سوالفي أو لمن أشكي واتحلطم😅
لمن اقعد معاج صج صج احس الدنيا بخير ، وأن مهما شنو ماصار من مواقف سيئة أو مزعجة أحس تصغر بعيني وأحس الحياة أسهل وألطف...
معاج الدوام يحلى... وكلشي يصير أحلى...
شكراً لسوالفج وتعليقاتج شكراً لإثراءاتج العميقة وتحليلاتج المنطقية.
شكراً للضحك اللي ضحكناه شكراً لمعرفتج وحرصج على معرفة شخصيتي واهتمامج بما يخصني وشكراً لأنج تفهميني.
شكراً لأنج تحبيني وشكراً لأنج خليتيني أحب نفسي💟
ريم المضيان
.
.
