حيا الله رمضان

بقلم: منيرة المسعود 

🌙💕

دخل رمضان ودخلت معه المغفرة. انه شهر القرآن وشهر تتضاعف فيه الأجور. يعني الواحد برمضان ما اقولكم يقعد 24 ساعه يقرا قرآن ويهمل بيته. أو تقعدين تقرين وماتطبخين ولا تسوين شي، الواحد ينظم وقته و بالتنظيم راح يكون في وقت تقرين قرآن. وخلي القرآن أول اهتمامج مو آخر اهتمام! ♡
طبعا برمضان نبدا نسوي اطباق مانشوفها إلا من سنه لسنه 😪

التشريبه و جيب التاجر ولقيمات و القطايف و غيرها من الأطباق اللي لازم نسويها برمضان😍🍲
وطبعا برمضان لازم ماننسى الجيران ♥ 🏡
يعني خلي كل يومين جار. مره تدزين لقيمات و مره تتنقصين لهم من طباخج، أي شي أي حاجه بس أهم شي ماننسى حق الجار على الجار 💝

طبعا كلنا ندري انه برمضان تتربط الشياطين. بس في ناس تقول.. شلون عيل نسوي معصيه و الشياطين مربطه ؟ نقولها حبيبتي لأنه الشيطان مربط فمعناته انه هذا منج مو من الشيطان. والخطأ عمره ما يتكرر مرتين، المره الأولى يكون غلط. بس ثاني مره يصير اختيار ومو غلط ! 🎏

مره صار موقف برمضان🙊 ..
وحده تنقصت بلقيمات حق جارتها و الظاهر جارتها ماتاكل لقيمات وتنقصت فيها حق جارتها و جارتها تعطي جارتها. لين ما رجعت لنا لقيماتها لها !😂

🌿🌸..
طبعا في شغله مهمه لازم ما ننساها واللي اهيه احتساب الأجر.. يعني مثلا أيهو احسن ؟ اني اروح اطبخ و اساعد امي لانه هذا شي غصب اسوي وما آخذ عليه أجر ؟ ولا احتسب اني لما اطبخ انا جذي قاعد اساعد الخادمه وانه هذا عليه أجر واني لما اساعد امي بكسب رضاها ؟ أكيد طبعا ثاني وحده ♥
وما ننسى انه الله سبحانه وتعالى يجازي على كل شي حتى لو نمتي وقلتي ياربي هذي النوم ابيها عشان اقوم نشيطه و اساعد امي، هم هذي عليها أجر 💖
🌿🌸..

بالنهاية هذا شهر طاعات وشهر العتق من النيران، يعني نحرص انه نزيد من الطاعات كثر مانقدر وبكل قعده نستغفر أو نسبح ونحتسب الأجر بكل عمل♡
والحمدلله رب العالمين